_-*^*-_ منتديات الأسطورة _-*^*-_

منتدى إسلامي إنشادي
 
الرئيسيةالبوابةاليوميةس .و .جبحـثالتسجيلالأعضاءالمجموعاتدخول

شاطر | 
 

 قصيده الشاعر ياسر التويجري كا مله

اذهب الى الأسفل 
كاتب الموضوعرسالة
الجارح
مشرف


عدد الرسائل : 22
تاريخ التسجيل : 05/02/2007

مُساهمةموضوع: قصيده الشاعر ياسر التويجري كا مله   الإثنين فبراير 05, 2007 11:39 pm

أترككم مع القصيدة مسموعة ومقرؤة ومرئية



للمشاهدة
http://movie.abunawaf.com/2007/01/Yaser-v.zip
حجم الملف 31 MB

للاستماع
http://audio.abunawaf.com/2007/01/Yaser-a.zip

وهذي القصيدة مكتوبة

ولدت ساطي ومتغطرس وأحب الخصام
ولا أعترف في إدارة طبع ولا مدير

أوجدت نفسي من اللاشي والانعدام
نبذت فالمجتمع لاني صريح وفقير

ماكان تفكيري الا كيف أخطف السنام
والحمد لله خطفت اليوم كل البعير

إن لم يكن مركزي بالصف الاول أمام
ماعاد تفرق معي لو كنت قبل الاخير

الله أكبر ولله البقاء والداوم
وهو الاله الاحد وهو السميع البصير

أخذت من مدرسة أحمد عليه السلام
مالا خذيته من مخاوى وزير وامير

وأخذت من تجربة عبدالعزيز الامام
وش يصنع العلم لاخاواه سيف شطير

واخذت من فلسفة هتلر عدم للالتزام
وكسبت نفسي وريحت القلق والضمير

وابشرك حالتي دايم على مايرام
من ركعتين الصباح الين عقب الاخير

صحيح عندي تحفظ عند بعض الانام
مثل معمر وابو مازن وتوني بلير

لكن انا مااحب اقلل الاحترام
واذهب ضحية طموح الغرب وانا صغير

قومية المسلمين اللي عليها الكلام
راحت معا خالد وعمرو وعلي والزبير

الله ولا الذل والتخوين والانهزام
ياعابدين العروش الوضع جدا خطير

يابو خلف كيف حالك عل حالك تمام
انسى القصيدة وهات علوم اخوي الكبير

شيخ عرفته وتقريبا لي اربع اعوام
يومني اجيه لا جاير ولا مستجير

يشوقني له نشوق الوسم عقب الحيام
في صفرة جوها ماهو بفية هدير

الشيخ ابو خالد محمد عداه الملام
اللي يصير من الاصرار مالا يصير

حد الثماله اعزه لا علي الحرام
اني احبه وحبٍ لو درابه يطير

يطير مثل الوحش لاضف ريشه وحام
وحول على الذايره بالجو مثل المغير

ان الملوك اذا اعطوك حب وغرام
خلوك من سائر الخدام يعني خفير

الا انت ياراعي التقدير والاهتمام
ياللي رحمت الصغير وشلت هم الكسير

اذا البلاط الاميري والكنب والرخام
له شاعر يدهله في صبح والا عصير

فانا دهلت الثريا و القمر و الغمام
وحولت اداهل طرف مشلحك مالي خشير

كفرت بالناقصه والغدر والانتقام
وامنت باانك حزامي بالنهار العسير

من لايقدر ثباتك مع عكاك الزحام
ماهو بوالله مقدر ويش معاني جرير

ياراس عيطا يا مسك البدء قبل الختام
يالنادر اللي على صيد المكارم شهير

يالمهدي المنتظر بالحاجتين الجسام
المدة المسكته والاخذ بيد الضرير

ياسيدي ودي افهق لك ضلوع العظام
واعطيك شي بصدري وانت رجل خبير

ان تراني اعاني نوب من انفصام
يوثر على البرمجة في راسي المستدير

واصير احس اني البارود والا الحسام
في ساحة الشعر من تبوك لاقصى عسير

مما يسبب لبعض اعدائي الاحتدام
اللي يحسبون قرض الشعر مثل الشعير

والشعر وان كانه المقصود باول مقام
فالله يرحم ابو الطيب ويرحم زهير

روح التنافس وحب الشيخ والانضمام
ماهي بتعني لدى الكثرة نهاية مصير

والشاعر اللي معه عزوة خوال وعمام
تفداه وايل وترقب مستعدة مطير

والله فلا ينقهر والا يضيق ويضام
لاجاء اللزز والملاقى والقبس والنذير

وجمع الدراهم ماهي باكبر طموح الغلام
اللي جمع من قلوب الناس شي كثير

من حبني رغم تفويتي له الانخدام
واللي كرهني فهذا شخص ملعون صير

دام المعارك صغيره ماعلينا لزام
ينوب عن سيفي البتار اصغر جفير

قرات فيم قراته من بلوغ المرام
اللي ترك شي لله عاضه الله بخير

وسلامتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
$-$أبو محمد$-$
مدير المنتدى
avatar

عدد الرسائل : 164
العمر : 28
تاريخ التسجيل : 29/01/2007

مُساهمةموضوع: رد: قصيده الشاعر ياسر التويجري كا مله   الثلاثاء فبراير 06, 2007 12:14 am

جزاك الله خير

انا من زمان ادورها

بارك الله فيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://allla.lolbb.com
 
قصيده الشاعر ياسر التويجري كا مله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
_-*^*-_ منتديات الأسطورة _-*^*-_ :: _-*^*-_ منتديات الأسطورة العامة _-*^*-_ :: _-*^*-_ المنتدى الأدبي _-*^*-_-
انتقل الى: